Најавени исклучувања на вода и струја утре на повеќе места во Скопје

Без струја утре во периодот од 08:30 до 11 часот ќе бидат жителите од улицата „Народен фронт“ и дел од улицата „Јуриј Гагарин“ во околината на Министерството за економија и ресторанот „Дукат“.

Во периодот од 9 до 15 часот без струја ќе бидат дел од корисниците од селото Бојане во општина Сарај.

Жителите на населбата Водно можно е утре и задутре од 9 часот да немаат вода бидејќи ќе се врши чистење и хлорирање на резервоарот Барутана 1.

Од Регионалниот центар за управување со кризи, повикувајќи се на информација од „Водовод и каналзиација“, денеска соопштија дека прекинот на водоснабдувањето ќе трае до завршување на работите.

Потсетуваме дека 600 000 домаќинставата до ноември треба да изберат од кого ќе купуваат струја следната година, кога почнува и целосната либерализацијата на пазарот на електрична енергија.

Регулаторната комисија очекува понуди за домаќинствата да дадат осум компании кои активно работат и имаат лиценци за снабдување. Тие ќе ја одредат цената на струјата но и тоа дали ќе остане евтината тарифа од два часа на ден.

Доколку домаќинстава не потпишат договор со никого, по автоматизам ќе се снабдуваат со струја од универзалниот снабдувач што допрвата треба да биде избран на јавен оглас.

„Секое домаќинство, особено малите потрошувачи имаат право од регулираниот пазар да отидат на слобопдниот пазар и да се вратат назад. Рокот е 21 ден. Дали ќе има пшенали зависи од договорите кои ќе потпишат снабдувачите, досега праксата покажала дека за домаќинствата нема казнени пенали, туку се оставаат слободно да избираат.“ – изјави Марко Бислимоски, претседател на Регулаторна комисија.

Бислимоски тврди дека правилата за снабдување, кои се направени според новиот Закон за енергетика, се во целосна заштита на потрошувачите. Посебен акцент ќе се стави на ранливите категории кои не смеат да бидат исклучени од струја во зимските месеци.

„Очекувам дека покрај стандардните потрошувачи кои примаат одредена социјална помош, опфатот на ранливите клатегории на потрошувачи на кои нема да може да им се исклучува струјата ќе биде зголемен, зоштѕо имаме потрошувачи кои имаат проблем со наплаќањето на струја.“ – изјави Бислимоски.

Во моментов 93 проценти од потрошувачите редовно си ги плаќаат сметките за струја.
Дали и на слободниот пазар компаниите ќе ги исклучуваат домаќинствата за една неплатена сметка, дополнително ќе се одлучува.