Не живеела секогаш луксузно: Еве како изгледал домот во кој Јелена Карлеуша растела со мајка ѝ Дивна (ФОТО)

|

Иако сега е навикната на луксуз и безброј брендирани парчиња облека, сепак домот на Јелена Карлеуша за време на тинејџерските денови бил скромна недвижнина…

Сѐ додека не почнала сериозно да заработува од музиката, Јелена Карлеуша живеела со својата пок ојна мајка, познатата водителка Дивна Карлеуша, во скромен стан во Нов Белград.

Домот на пејачката не се разликувал многу од недвижнините на другите работнички семејства, што во тоа време не ѝ пречело, ниту тоа го сметала за негативна страна. Напротив, во една прилика, а за потребите на една телевизиска емисија, пејачката се согласила да биде домаќин на еден новинарски тим и да им го покаже своето катче.

Секако, пејачката и водителката Наташа Илиќ не се поместувале подалеку од кујната, каде Карлеуша го приготвувала своето омилено јадење, но од тие неколку кадри може многу да се заклучи за нејзиниот и начинот на живот на нејзината мајка во тоа време.

Беспрекорно уреденото катче за приготвување храна, било украсено со темни тонови и завеси со цветен дезен. Саксиите со цвеќиња ја правеле просторијата поудобна, а светлина им влегувала од прозорецот со поглед на зградите и парковите.

Од тој период не поминало долго време, откако Јелена си го купила својот прв имот и се отселила од старото маало.

„Пораснав во Нов Белград, кај Фонтана, и тоа растење во суровите 90-тите, на уште посуровиот белградски асфалт, мислам дека од мене направи личност која во многу работи се разликува од другите јавни личности во шоу-бизнисот“ – кажа во една прилика пејачката, која по големиот успех во музиката значително на искачи на материјалното скалило. По заминувањето од Нов Белград стана голема ѕвезда, а ретко кој пејач може да се пофали со висина на хонорар како нејзиниот.

Денес, домот на Јелена Карлеуша е луксузната вила на Дедиње, удобно уредена со базен, дополнителни спални соби и бањи, а бидејќи сега има готвач, таа речиси никогаш не влегува во кујна.