Престижните музички награди „Греми“ доделени по 64-ти пат во Лас Вегас – Еве кој доби Греми

ИЗВОРСкопје24
|

Џон Батист триумфираше на 64. музички награди Греми во Лас Вегас, освојувајќи дури шест од 11-те трофеи за кои беше номиниран, вклучувајќи го и главниот за албумот We Are, инспириран од движењето Black Lives Matter.

Ретро проектот „Silk Sonic“, составен од Бруно Марс и Андерсон Пак, освои четири „Греми“, вклучувајќи ги и оние за плоча и песна на годината Leave the Door Open. Рокерите „Фу Фајтерс“, кои не се појавија на доделувањето на наградата во МГМ арената поради ненадејното преминување на тапанарот Тејлор Хокинс, земаа три „Греми“ – за најдобра изведба во категоријата рок музика (Making a Fire), најдобра рок песна (Waiting on a War) и рок албум на годината (Medicine at Midnight).

Очекувано, најдобар поп албум е Love for Sale на Тони Бенет и Лејди Гага, најдобар поп дует е Kiss Me More од Doja Kat. (Канjе Вест и Џеј Зи) за најдобри рапери. Младата Оливија Родриго беше прогласена за откритие на годината, а таа ја освои и „Греми“ наградата за најдобра поп соло изведба.

– Ова е мојот најголем остварен сон – изјавила Оливија која има само 19 години.

– Навистина сакам да им ја посветам оваа награда на моите родители бидејќи тие ги поддржуваа моите соништа.