Швајцарската влада го контролира (не)движењето на граѓаните преку мобилните

ИЗВОРСкопје24
|

Владата на Швајцарија побара од државната телекомуникациска компанија „Свиском“ да и достави податоци за мобилните телефони во текот на еден ден, заради проценка на ефикасноста на мерките за ограничување на движењето на населението за спречување на ширењето на пандемијата на коронавирусот, изјави денеска официјален претставник на федералната Агенција за здравство.

– Сакавме да знаеме дали тие мерки влијаат врз мобилноста на луѓето, рече Даниел Кох, шеф на одделението на Агенцијата за заразни болести, на прес-конференција во Берн, како одговор на прашањето дека на тој начин Владата може да ја наруши приватноста на граѓаните.

Тој рече дека станува збор за 24-часовни податоци што даваат ретроспективен поглед на движењата на луѓето.

Според Кох, „тоа нема никаква врска со тековните податоци или мониторингот, туку да се види движењето на луѓето, а опфатен е само јавниот простор“.